ബെംഗളൂരു: കർണാടക ആഭ്യന്തര മന്ത്രി അരഗ ജ്ഞാനേന്ദ്രയുടെ ശബരിമല ദർശനം സാമൂഹ്യ മാധ്യമങ്ങളിൽ വൈറലാകുന്നു.
ലാളിത്യത്തിന്റെ പ്രതീകമായാണ് ബിജെപി കർണാടക സംസ്ഥാന സമിതി സംഭവം ട്വീറ്റ് ചെയ്തത്. എത്ര ലളിതം അയ്യപ്പ ഭക്തൻ അരഗ ജ്ഞാനേന്ദ്ര തൻ ശബരിമല ദർശനം-പാർട്ടി അണികൾ ട്വീറ്റ് ഏറ്റെടുത്ത് വിവിധ സമൂഹമാധ്യമങ്ങളിൽ പ്രചരിപ്പിക്കുന്നു.
വിവിഐപി സുരക്ഷാ അകമ്പടി സാധ്യമായിട്ടും അതെല്ലാം വെടിഞ്ഞ് അടുപ്പമുള്ള ഏതാനും പേർക്കൊപ്പം സാധാരണ ഭക്തജനങ്ങൾക്കൊപ്പമാണ് മന്ത്രി തലയിൽ ഇരുമുടിക്കെട്ടുമായി പതിനെട്ടാംപടി കയറിയത്.
തിങ്കളാഴ്ച ബെംഗളൂരുവിൽ പൂജ കഴിഞ്ഞ് നേരെ ശബരിമലക്ക് പുറപ്പെട്ട് അന്ന് തന്നെ മടങ്ങിയെത്തി.
